SUNNAN VINDAR

                    

                                   Jurta- og  kjarnoliur  fyrir nudd , olíur , krem....

Sunnan Vindar bjóða úrval gæða nuddolía, krem og lotion auk te- og græðijurta. Olíublöndur okkar, krem og lotion hafa margvíslega notkunar möguleika bæði fyrir slökun með nuddi eða sem snyrti- og heilsuvörur.  Allar okkar vörur eru þróaðar í samstarfi

við fagfólk;  nuddara, snyrtifræðinga, næringarfræðinga, lækna og aðrar græðarastéttir. Lögð er áhersla á umhverfisvænleika bæði hráefna og við lögun á vöru.  Við notum einungis bestu náttúru efni og lífrænt vottuð hráefni í allar okkar vörur.

Við hvetjum þig til að prófa og njóta góðrar vöru úr náttúrunni!  Ára löng reynsla og þekking tryggir gæðin.

                                                                    

                                                                       

  

                                                                   Lífræn ræktun á grænmeti,korni og jurtum til nota í nuddolíur

 

          

                                         Jurta- og  kjarnoliur  fyrir nudd , olíur , krem....

Sunnan Vindar bjóða úrval gæða nuddolía, krem og lotion auk te- og græðijurta. Olíublöndur okkar, krem og lotion hafa margvíslega notkunar möguleika bæði fyrir slökun með nuddi eða sem snyrti- og heilsuvörur.  Allar okkar vörur eru þróaðar í samstarfi við fagfólk;  nuddara, snyrtifræðinga, næringarfræðinga, lækna og aðrar græðarastéttir. Lögð er áhersla á umhverfisvænleika bæði hráefna og við lögun á vöru.  Við notum einungis bestu náttúru efni og lífrænt vottuð hráefni í allar okkar vörur. Við notum engin kemisk efni, jarðolíur né liti,  sem kunna að vera heilsuskaðleg og notum því  ekki Paraben,  Lanolin, Vax, Vaseline, Parafenylendiamin, Neomycin, Benzokain,  Cliochinol,  Kolofonium eða  Formaldehyd.

Við hvetjum þig til að prófa og njóta góðrar vöru úr náttúrunni!  Ára löng reynsla og þekking tryggir gæðin.

 

 

 

 

Um græðijurtablönduna Essiak

 

Jurtablandan er komin frá Ojibwaya “indíána” (fyrstu þjóðar) þjóðflokknum í Kanada, en hefur verið framleidd allt frá 1922. Það var kanadíska hjúkrunarkonan Rene Caisse sem hóf rannsóknir og lækningar, m.a. á krabbameini, með jurtablöndu sem hún byggði m.a. á reynslu grasalækna Ojibwaya manna.  Allar jurtir í þessar blöndu eru vel þekktar græðijurtir sem hafa verið notaðar um aldir og einnig í nútíma óhefðbundnum meðferðum.

 

Sunnan Vindar bjóða jurtablöndu, sem löguð er að íslenskum aðstæðum og matarræði. Í þeirri blöndu hefur verið bætt við íslenskum jurtum.  Vísað er hér jafnframt til umsagna neytenda / sjúklinga og í þær rannsóknir sem gerðar hafa verið sbr. hér á eftir þar sem bent er á þessa þætti í bókum og á vefsíðum um efnið. Lögð er áhersla á að jurtablandan hefur verið notuð um árabil með góðum árangri: Samefli (synergi)  efna og lífhvata í þessum jurtum gera þær græðandi og stuðlar að nýmyndun jákvæðra þátta í frumum og líffærum.   Þessar jurtir  eru  í Essiak: (ESSIAK Rene): Búrblaðka (Arctium  lappa), Græðisúra (Rumex acetosella), Tröllasúra  (Rheum palamatum), Regnálms börkur (Ulmus fulva)  (+Ojibwaya) Heilagur Þistill  (Cnicus benedictus), Rauðsmári (Trifolium pratense), Brunnperla (Nasturtium officinale) (+Okkar jurtir; Við höfum bætt við tveim fjallajurtum og sjávarjurt til að aðlaga  betur íslenskum aðstæðum og matarræði),  Fjallagrös (Cetraria islandica, Vallhumall (Achillea millefolium), Þang  (Ascophyllum digitalis).

  Essíak stuðlar að bættum frumuvexti og styrkir ónæmiskerfi líkamans.

  

 

Rene M. Caisse R.N. (1888 - 1978) byrjaði athuganir sínar á jurtablöndunni þegar hún starfaði við “Sisters of  Providence” sjúkrahúsið í Ontario. Á þessum tíma starfaði hún m.a.með lækninum Dr. R.O. Fisher, þekktum lækni í Toronto.

Dr. Fisher fylgdist með athugunum hennar og hvatti til frekari rannsókna. Rene náði fljótt góðum árangri, sérstaklega við að hjálpa sjúklingum sem langt voru leiddir af krabbameini. Þetta vakti athygli fleiri lækna, sem m.a. skrifuðu undir yfirlýsingu til Heilbrigðisráðuneytis Kanada um að Rene yrði útveguð aðstaða til að koma á fót sérstakri heilsugæslustöð fyrir krabbameinssjúklinga. Rene tókst með þessari aðstoð að koma á  “Cancer Clinic” og rannóknaraðstöðu í heimabæ sínum Bracebridge í Ontario. Þarna var aðstaða bæði til röntgen myndatöku og lífræðilegra rannsókna. Heilsugæslustöð Rene Caisse var  rekin til 1942 og eru skráðar margar heimildir um hæfni Rene og gagnsemi þeirra jurta, sem hún notaði við lækningar sínar, sem oftar en ekki var hjálp við sjúklinga sem búið var að afskrifa annars staðar. Rene kom uppskrift sinni, sem samanstóð af fjórum jurtum,  á framfæri og til vörslu heilbrigðis - yfirvalda í Kanada 1937.  Vísað er til heimilda hér á eftir um þetta merkilega starf Rene M. Caisse R.N. Um nokkurra ára skeið, eftir 1950, starfaði hún einnig með hinum þekkta lækni Dr. Charles Brusch í Cambridge í  Massachusetts, en Dr. Brusch var m.a. læknir John F. Kennedy. Á þeim tíma endurbættu þau uppskriftina og var  bætt við fjórum jurtum í viðbót, m.a. jurtum til að auka orku blöndunnar og til að auka samvirkni umræddra plantna. Dr. Brusch kom þessari "8" jurta blöndu seinna á framfæri við almenning. Eftir 10 ára reynslu, rannsóknir  og  samstarf sitt við Rene Caisse lét Dr. Brusch hafa eftir sér og setti á blað eftirfarandi:“Essiac er lækning við Krabba (Cancer), punktur. Allar athuganir í rannsóknastofum og á heilsugæslustöðvum gerðar í Bandaríkjunum og Kanada varðandi þessa virkni styðja það”. Jafnframt lýsti hann því yfir og lagði fram gögn til sönnunar að hann hefði læknað sjálfan sig af  krabbameini og öðrum kvillum með jurtaseyðinu einu saman og  þekkingu sinni á því. Rene og Dr. Brusch höfðu samstarf allt til er hún lést 1978 á nítugasta aldursári.

Ónæmiskerfi líkamans

Efnaþættir í þeim jurtum sem jurtablandan er unnin úr hefur jákvæð og styrkjandi áhrif á ónæmiskerfi líkamans, jafnframt því að stuðla að endurnýjun fruma, styrkir vefi og húð auk þess að virka jákvætt á aðra þá þætti sem stuðla að betra heilsufari. Athuganir og rannsóknir hafa sýnt að  saman auka þessar plöntur jafnvægi milli líkamsþátta, þær eru blóðhreinsandi og varna eiturefnum bólfestu. Með nútíma rannsókum og  þróun í  náttúrulækningum hefur vísindaleg þekking á eðli plantna aukist og skilningur á virkni þeirra á ónæmiskerfið og aðra þætti líkamsstarfsemi eru mun skýrari en áður.

·          Stundið slökun og hugleiðslu eins og t.d. yoga og  tai chi.

·          Bætið næringarþætti með að auka daglegan skammt af lífrænt ræktuðu  grænmeti og ávextum, hnetum og fræjum auk góðrar blöndu af grófu kornmeti. Þetta  bætir efnaskipti líkamans og eiginleika til að lagfæra það sem aflaga hefur farið auk þess að  stuðla að almennri vellíðan.

·          Slepptu allri fitu, unnum matvælum sem innihalda  auk- og rotvarnarefni, gerfibragð- og litarefnum úr fæðu þinni.

·          Láttu heilsufars ráðgjafa þinn kanna efnaskiptin og stöðu nauðsynlegra snefilefna í líkama þínum. Snefilefnin eru lífsnauðsynleg til að viðhalda jafnvægi í heilbrigðu ónæmiskerfi.

·          Neyttu nægjanlegra vítamína.

·          Drekktu 3 – 5 glös af vatni daglega m.a. til að stuðla að og auka losun eiturefna og úrgangs úr líkamanum. Athugaðu að líkaminn getur losað sig við allt að 5 lítra af vökva daglega.

·          Hvíldu þig vel. Lágmark er að ná 6 tíma svefni á sólarhring.

·          Farðu í gönguferð, syntu eða hjólaðu minnsta kosti í 15 mínútur daglega.

 

Ráðlagt er að taka seyðið 1 – 2 á dag.  Takið tveim tímum fyrir eða tveim tímum eftir máltíð. Bestur árangur næst ef tekið  strax á morgnana og á kvöldin fyrir svefn. Notið ½ bolla (60 ml) af seyðinu í hvert skipti, ágætt er að blanda það með heitu vatni.  Drekkið jurtseyðið samkvæmt leiðbeiningum og leitið ráða hjá heilsufarsráðgjafa, lækni eða næringarfræðingi

 

Esíak jurtaseyðið hefur hjálpað mörgum til bættrar heilsu. Ljóst er að seyðið hefur jákvæð og uppbyggjandi áhrif á frumur líkamans, styrkir ónæmiskerfið og stuðlar að jafnvægi í líkamanum, þessir þættir gera það að verkum að margir sjúkdómar geta “dregið sig til hlés”. Í þeim ritum og rannsóknum, sem gerðar hafa verið á jurtablöndunni og þeim sem hana nota,  eru nefndir sjúkdómar eins og krabbamein af ýmsu toga  og eftirmeðferðir  t.d. eftir geislun og lyfjameðferð, eyðni sjúklingar telja sig hafa fengið bata (sbr. rannsókn Dr. Gary Glum við AIDS stofnunina í Los Angeles 1994). Alzheimer's sjúklingar hafa sagt frá að neikvæðir þættir hafi stöðvast. Síþreyta, sykursýki, MS og lupus sjúklingar hafa fengið bót að einhverju eða öllu leyti. Við rannsóknir hefur eftirfarandi komið fram;

 

1.     Jafnar kolestról styrk með að breyta fitu og sykri í orku.

2.     Minnkar líkur á að fita hlaðist  á æðaveggi, á hjarta, nýru og lifur.

3.     Blóðhreinsandi.

4.     Eyðir sníkjudýrum í meltingarvegi.

5.     Myndar mótvægi og hreinsar eiturvirkni frá kvikasilfri, áli og blýi.

6.     Verndar gegn neikvæðum áhrifum fá röntgen og annarri geislun.

7.     Styrkir og eykur sveigjanleika himna í liðamótum, beinum, lungum og eitlum, vinnur gegn streitu og streituskemmdum.

8.     Styrkir vefi, líffæri og vöðva.

9.     Eykur virkni og vökvaupptöku í vefjum.

10.    Eykur framleiðslu rauðra blóðkorna og varnar skemmdum í þeim.

11.    Eykur möguleika líkamans til súrefnisupptöku, m.a. með auknu súrefni í stoðfrumum.

12.    Viðheldur bættum efnskiptum og betra jafnvægi við næringu fruma líkamans.

13.    Eykur næringu til heila og  taugakerfis.

14.    Varnar að eiturefni geti borist til heila.

15.    Losar og fjarlægir uppsöfnuð eiturefni úr fitu, eitlum, beinmergi, blöðru og næringar vinnslu líffærum.

16.    Hreinsar öndunarfæri með aukinni slímlosun.

17.    Minnkar álag á lifur með því að umbreyta eitruðum fituefnum og gera þau vatnsuppleysanleg og sem geta skolast út gegnum nýru.

18.    Auðveldar myndun lecitins í lifur, umbreytir í myelin sem er efni sem verndar og umlykur taugaenda.

19.    Minnkar og mögulega fjarlægir alveg þungmálma,sem sest hafa í vefi, sérstaklega við liðamót, minnkar þannig stífni og sótthita í liðamótum.

20.    Eykur virkni briskirtils og milta  við aukningu virkni insulins.

21.    Auðveldar losun efna og gerir þau óvirk  í þvagi. Jafnar efna- og oxalic sýrustreymi til nýrna og minnkar þannig líkur á myndun nýrnasteina í gallblöðru, nýrum og og þvagrás.

22.    Dregur úr sársauka, eykur lyst, jafnar orku og eykur með því vellíðan.

23.    Flýtir fyrir að sár gróa með nýmyndun fruma skemmdra svæða..

24.    Eykur framleiðslu mótefna t.d. í sogæðum og T-fruma í hóstakirtli.

25.   Varnar og hugsanlega eyðir myndun illkynja hnúta  og æxla.

Innihaldslýsing og Leiðarvísir um lögun og notkun ESÍAK jurtablöndu

Gott er að  hafa eftirfarandi áhöld og fara svona að, við lögun jurtaseyðisins.

• 5 lítra pottur,  úr ryðfríu stáli, eða emaleraður alls ekki nota álpott .
• Mælikanna úr gleri. 
• Netsía úr stáli, 'V'  laga er best.
• Látið renna 6 lítra af vatni í pottin.
• Eftir að suða er komin upp,  látið jurtirnar í pottinn, 50 grömm af jurtum í 6 lítra, gefa um 5,2 lítra af seyði. Þetta magn dugar einstaklingi  3 mánuði.
• Minnkið hitann, látið lokið á pottinn og sjóðið rólega í 5 mínútur.
• Takið pottin af hellunni, og hrærið jurtaseyðið vel.
• Setjið nú lokið á pottinn og látið standa, t.d. yfir nótt ef soðið er að kveldi,  á hellunni og kólna rólega í næstu 12 tímana.
• Hitið nú aftur þar til suðan rétt kemur upp, hrærið ekki og látið standa þar til suða hættir. Þegar jurtaseyðið hefur kólnað nægjanlega hellið þá úr pottinum gegnum síuna og í glerkönnuna eða beint á flöskurnar.
• Glerflöskur, t.d ½ líters flöskur, þarf að sótthreinsa með sjóðandi vatni fyrir notkun, eða látið þær í bökunarofninn og hitið í 230°C í 10 – 15 mínútur.
• Munið að sótthreinsa flöskutappana líka. Kælið flöskurnar lítillega eftir sótthreinsun.
• Hellið á flöskunar, skrúfið tappann á og látið kólna áður en sett er í kalda geymslu eða í kæliskápinn, látið flöskurnar standa uppréttar.
• Geymið seyðið, eftir að það kólnar, alltaf í kæli. Má þó alls ekki frjósa.                              

Magn og inntaka

• Oftast er örlítið set á flöskubotninum, hristið upp í flöskunni.
• Látið ½  bolla (50ml) af seyðinu í bolla með heitu vatni.
• Takið inn tvisvar á dag, á fastandi maga, t.d. snemma á morgnanna  og  fyrir svefn.
• Neytið helst ekki matar í a.m.k. eina klukkustund eftir inntöku seyðis.
• Eftir ESÍAK drykk látið líða a.m.k. 3 klst. áður en tekið er inn lyf.

Tekið daglega í  32 daga, eftir það takið inn þriðja hvern dag.

Innihald í jurtablöndunni ESÍAK ISLANDIA:

Plöntur í heilsujurtablöndunni ESÍAK eru vottaðar lífrænt ræktaðar og villtar jurtir, tíndar þar sem gott jafnvægi er í náttúrunni. Allar plönturnar styðja við starfsemi líffæranna m.a. með flóknu samefli (synergi) efna- og lífhvata plantnanna, t.d. að betri vexti nýfruma, bættri hreinsun blóðsins auk annarra fjölþættra styrkjandi og hreinsandi þátta. Skv. rannsóknum plöntulyfjafræða og efnafræði plantna hafa plöntur í jurtablöndunni m.a. eftirfarandi eiginleika:

Búrblaðka (Krókalappa)  (Arctium  lappa) Búrblaðka hefur verið notuð sem græðijurt  um aldir víða um heim. Hún stuðlar  að vexti og nýmyndum á heilbrigðum frumum. Styrkir  heilbrigði gallblöðru og nýrna.  Gott sem fæðubót og stuðlar að heilbrigðu jafnvægi blóðsykurs.

Græðisúra (Rumex acetosella) Í Græðisúru er mikið af vítamínunum  A, B, C, D, K, P, U og  E. Stein- og snefilefnainnihald er hæst af kalsíum, járni, kísil, magnesíum, brennisteini, zinki, mangan, joð og kopar. Einnig er Græðisúran rík af  beta karoteni, blaðgrænu og citric, malic, oxalic, barkar  og tartaric sýrum. Öll þessi efni eru mikilvæg fyrir starfsemi eitla líkamans.  Einnig styrkja þessi efni flutning súrefnis um líkamann, krabbameinsfrumur drepast t.d. í snertingu við súrefni. Græðisúra er bólgueyðandi, kælandi, þvag- og hægðalosand. Græðisúran stuðlar að betri heilsu í meltingarfærum og stoðvefjum. Inniheldur einnig efnaþætti sem jafna rakaþætti og næringu  húðar.

Fjallagrös (Cetraria islandica) Fjallagrös eru mjög nærandi, þau eru rík af bakteríueyðandi efnum og  slímefnum m.a. likenín, mjög rík af flestum steinefnum, sérstaklega járn- kalíumsöltum. Fjallagrös eru græðandi og  sérstaklega góð við öllum sárum og bólgum  t.d. í meltingarvegi og öndunarfærum. Þau minnka ertingu frá magasýrum og græða sára slímhúð. Góð gegn exemhúð og þurrum hósta.

Vallhumall (Achillea millefolium) Vallhumall inniheldur m.a. ilmolíur (essential oils) sem í eru m.a. kíneol, ásúlen, júgenol, tújón, pínen, og kamfóra. Sérstaklegagóð  fyrir útæðakerfi og lækkar því blóðþrýsting, einnig svitadrífandi, róandi, verkja- og krampastillandi, rík af  barkarsýrum, ísóvaleriansýru, salisilötum, kólín, aspargin og  sykrungum.  Vallhumall er blóðhreinsandi, græðandi, barkandi og æðavíkkandi,

Tröllasúra      (Rheum palamatum)   Rót Tröllasúru hefur einnig verið notuð víða um heim til lækninga um aldir. Inniheldur vitaminin A, B, C og P, einnig kalsíum kopar, joð, járn, magnesíum, mangan, fosföt, kísil, súlföt og zink.  Rótin er  styrkjandi, hreinsandi fyrir líffærin og hefur bætandi áhrif á gall. Hefur sérstaklega hreinsandi og græðandi  áhrif fyrir lifur. Losar einnig og hreinsar  eitrandi efni sem hafa sest í ristil. Tröllasúran stuðlar að bættri heilsu og vellíðan, betri jafnvægi  blóðflæðis og  meltingarfæra auk jafnvægis í iðraflóru.

Regnálms börku     (Ulmus fulva)    Regnálms börkur  inniheldur mikið kalsíum, magnesium og vítamínin A,B,C, K og P auk  þess hátt  innihald af græðandi slímefni, mjölvi, sykrur, fenól, gallic- og barkarsýrur.  Í berkinum er einnig í minna magni   kromium,  selenium,  zink, kísill, fosföt og járn.  Regnálmsbörkur er orkumikill en samt róandi, mýkjandi og sérstaklega græðandi, sótthreinsar og fjarlægir eiturefni. Hann er góður við innvortis sárum t.d. særindum í meltingarvegi, vélinda og maga. Styrkir líffæri og slímhúð t.d. maga og lungna.  Efnaþættir Regnálmsbarkar  jafna  einnig sýrustig  meltingafæra,  sem annars gæti  valdið  meltingaróþægindum.

Þari (Laminaria digitalis) inniheldur öll stein- og snefilefni sem uppleyst er í sjónum og nauðsynleg eru lífverum til vaxtar og viðhalds. Auk þess inniheldur þarinn önnur lífsnauðsynleg efnasambönd, s.s. vítamín, aminósýrur, prótein og önnur lífvirk efnasambönd. Meðal virkra efna má nefna slímefni, mannitól, fúkósterin, fúkósantin, sísantin og  ilmolíur (essential oils). Er nærandi, blóðhreinsandi, örvar skjaldkirtil og þar með öll efnaskifti líkamans. Gott við bólgum, vanvirkum skjaldkirtli og fyrir þá sem þjást af stöðugri þreytu og slappleika.

Heilagur Þistill     (Cnicus benedictus) Heilagur Þistill  hefur um aldir verið notaður til lækninga. Í rót  Þistilsins eru t.d.  efni sem stuðla að hreinsun slæmra efna úr blóðrás, jafnframt því að auka heilbrigði í öndunarfærum, eitlum, blóð- og þvagrás. Einnig er þessi efnasamsetning jákvæð fyrir losun óþarfa vökva, losar þá jafnframt út eiturefni, minnkar álag á lifur og bætir meltingu. Líklegt er að efnaþættir þessir komi í veg fyrir sýkingar í þvagrás, lifur og gallblöðru. Er bólgueyðandi og varnar gigtarbólgu, liðagigt og settaugabólgu. Í Heilögum Þistli eru vítamínin A,B,C, E, og P.  Töluvert magn er af  krómi, kóbalti, járni, magnesíum, fosfötum, kalí, kísil og zinki og einnig kalk, kopar, mangan og selen.  Líklega er þó jákvæðasta efnið Unulín og með mesta lækningaþáttinn og styrkir helstu líffæri  en sérstaklega lifur, milta og briskirtil.

Rauðsmári (Trifolium pratense) Rauðsmári inniheldur virk efni eins og salisýlsýru, sykrunga og sykrur auk kúmaríns og estrógenlíkra efna. Hann er græðandi, hressandi, þvagdrífandi og losar um slím t.d. í öndunarfærum. Hefur reynst vel við exemi og sóríasis. Hefur verið notaður gegn krabbameini, sérstaklega í brjóstum og eggjastokkum. Er notaður í smyrsli við húðkrabba.

Brunnperla (Nasturtium officinale). Brunnperla er rík af vítamínum, sérstaklega C,  joði, járni, fosfötum og öðrum steinefnum. Inniheldur mikið af nærandi olíuefnum.

                  

Þær upplýsingar sem hér eru og aðrar er m.a. að finna  í bókinni “Essential  Essiac” eftir  Sheilu Snow  og Mali Klein (Gill & Macmillan, Dublin 1999), ESSIAC ~ The Secrets of ESSIAC Rene Caisse's Herbal Pharmacy eftir sömu höfunda (Newleaf, Gill & Macmillan, Dublin 2001) ISBN 0-7171-3228-5., OPTIONS: THE ALTERNATIVE CANCER THERAPY BOOK  eftir Richard Walters (Avery Publishing 1993) ISBN 0895295105, THE ESSIAC REPORT: Canada's Remarkable Unknown Cancer Remedy eftir Richard Thomas (Alternative Treatment Network, 1993) ISBN 0-9639818-0-3, CALLING OF AN ANGEL: Nature's Cure for Cancer  eftir Dr. Gary L. Glum      (Silent Walker Publisher 1988,ISBN 0-9620364-0-4). ESSIAC AND THE TREATMENT OF CANCER AND OTHER DISEASES (Gordon Press, March 1995, ISBN 0849066646). Einnig er sérstaklega bent á rannsóknir og bækur Dr. Julian Whitaker forstjóra Whitaker Wellness Institute í Newport Beach í Kaliforníu. Vefsíður: http://www.cloudstrust.org/The Clouds Trust ,  http://essiac-info.org/, waronaids.com, Ofannefnd rit og vefsíður eru  hluti af  heimildum okkar, ásamt ritunum. “The ESSIAC Handbook” eftir James Percival. Credence Publications. ISBN 0-9535012-6-4) og bók  Rene M. Caisse “The Story of Essiac”.

                                                                                                                                         

                                                                       

 

Sunnan Vindar bjóða einnig

m.a. eftirfarandi tejurtir;  

 

Grænt te; Sencha. Dökkt te; Rajah, Selim Hill Darjeeling  toppar,

Oolong Sechung,  Yunnan Pu-Erh, Saffron te, Indverskt kryddte

Hollustu jurtir sem styrkja  og  auka  orku; Fegurð, Freyja, Freyr, Tantra, Slökun

Græðijurtablöndur grasalæknisins, Styrkjandi  og fyrirbyggjandi jurtair:  

Essiak Islandica,   Hóstahlé,  Hugarflug, Efnaskipti  og vatnslosun, Blaðra og nýru,

Magi og þarmar, Hjarta og æðar, Lifur og Gall.         

Hreinsi- og orkublöndur, duftte. Styrkja – Hreinsa – Auka Orku;

Ristilhvati, Ristilorka, Orka, Hugur og gott minni,

Yngisjurtir,  Ný Náttúra

 

Sjá nánar í vöruskrá.

     

Birgir Þórðarson  náttúrufræðingur

 

Um gróðurnytjar (Grein í blaðinu Umhverfið)

 

Á undanförnum árum hefur verið töluverð endurvakning á ræktun og nytjum gróðurs,  sem fyr á tímum var notaður til heilsubótar og lækninga.

 

Má segja að nytjar þessar séu nú stundaðar um allt land og margvísleg atvinna og gagn af að aukast.

 

Ýmsar tilraunir og vísindalegar rannsóknir hafa einnig færst í vöxt, gætir hér vissulega áhrifa erlendis frá, en þekking á gagnsemi jurta til hollustu, byggð á reynslu ásamt vísindlegum efnagreiningum hefur aukist gífurlega á síðustu árum. Rannsóknir á eiginleikum jurta til lækninga er nú stundaðar við margar vísindastofnanir og háskóla víða um heim. Uppgötvanir eru gerðar daglega varðandi gagnsemi jurta, jafnframt því að þekking á því sem ber að varast eykst einnig.

 

Hér á landi hefur verið unnið að slíkum rannsóknum á vegum Háskóla Íslands, við stofnanir og nokkur fyrirtæki, með það að markmiði að þróa hollustuvörur og framreiða lækningamátt jurtanna.

 

Einn af þeim frumkvöðlum, sem endurvakið hefur trú manna hér á landi á gagnsemi jurta til heilsubótar, er Ævar Jóhannesson.  Ævar hefur öðlast mikla þekkingu á lækningamætti margra jurta og hvernig æskilegt er að raða jurtum saman til að ná góðum árangri. Þannig hefur t.d. blanda, sem m.a. er unnin  úr lúpínurót, njóla, litunarskófum og hvönn, reynst vel til styrktar ónæmiskerfi líkamans. Margir eru þeir, sumir t.d. langt leiddir af ýmisskonar krabbameini, ofnæmis- og húðsjúkdómum, sem fengið hafa vökva þennan til inntöku og hafa styrkst það mikið að líkami þeirra hefur náð að vinna bug á sjúkdómnum. Í mörgum tilvikum hefur verið um að ræða að dauðinn einn blast við sjúklingnum, en seyði Ævars, sem hann lætur af hendi án gjalds,  styrkt það mikið að heilsu hefur verið náð á ný. Ekki hefur Ævar litið á sig sem lækni heldur fræðara, sem miðlað hefur margra áratuga þekkingu og reynslu. Þetta hefur hann m.a. gert með greinaskrifum sínum, en Ævar hefur haft umsjón með blaðinu “Heilsuhringurinn” í yfir 20 ár. Þó Ævar sé fróður af langri reynslu um læknisfræðileg málefni hafa sumir læknar kallað hann “skottulækni” og neitað að koma á samvirkum læknisfræðilegum athugunum á jurtablöndum þeim sem Ævar býr til. Sigmundur Guðbjarnason rektor hefur þó haft mikla trú á störfum og kenningum Ævars og m.a. fyrir hans tilstilli hafa verið gerðar efnafræðilegar athuganir við Háskóla Íslands á jurtum Ævars. Hluta þessara athugana er þegar lokið og hafa þær staðfest efnafræðilega eiginleika umræddra jurta og hvers vegna þær virka græðandi t.d. fyrir ónæmiskerfið. Jafnframt hefur það vakið athygli að virk efnasambönd í íslenskum jurtum eru oft meiri og gagnlegri en úr sambærilegum jurtum erlendum. Fyrirtækið Íslenskar heilsujurtir hafa nú unnið að þróun jurtaafurða til heilsubótar, eru þessar afurðir byggðar á umræddum rannsóknum og kenningum Ævars.

 

Einn er sá bóndi sunnlenskur sem komið hefur að verkefni þessu, er það Ingólfur Guðnason á Engi í Biskupstungum. Ingólfur hefur um margra ára skeið ræktað í garðyrkjustöð sinni af mikillri þrautseigju margvíslegar kryddjurtir. Framleiðsla þessi er þekkt meðal sælkerakokka landsins og margra annarra neytenda fyrir einstök og örugg gæði, enda framleiðslan unnin eftir reglum lífrænnar ræktunar og vottuð sem slík af vottunarstofunni Tún. Kryddjurtaframleiðslan hefur aukist jafnt og þétt og er nú meir en 1000 fermetrar undir gleri í ræktun allt árið, jafnframt hefur fjölbreytnin aukist verulega og boðið uppá bæði krydd í jurtapottum og sem afskorna framleiðslu. Jafnframt öflun þekkingar um ræktun kryddjurta hefur Ingólfur kynnt sér nytjar og ræktun lækningajurta. Um nokkurt skeið hafa staðið yfir að Engi tilraunir með útiræktun nokurra íslenskra lækningajurta og hafa tilraunir þessar lofað góðu um framhaldið.  Frá Engi hafa því komið nokkrar þær tegundir jurta, sem unnið hefur verið að rannsóknum á í verkefni Háskóla Íslands, Íslenskra heilsujurta og Ævars Jóhannessonar.

 

Af öðrum rannsóknum, sem núna standa yfir hér á landi á eiginleikum jurta,  má nefna rannsóknir við Lyfjafræðideild Háskóla Íslands og er það Kristín Ingólfsdóttir prófessor í lyfjafræði sem stýrir þeim í samstarfi við erlenda aðila. Er í verkefni þessu lögð áhersla á rannsóknir á ýmsum mosategundum og fjallagrösum, en sem kunnugt er hafa fléttur verið notaðar frá aldaöðli til margvíslegra lækninga. Í verkefninu er m.a. verið að kanna efnaþætti þessara grasa og hvernig þau virka græðandi fyrir ónæmiskerfið og hvernig lækningarmáttur þeirra hefir áhrif á t.d. öndunafærasjúkdóma, magasjúkdóma og æxlisfrumur en þetta eru ein helstu vandamál, sem líkami nútíma mannsins þarf oft að  kljást við auk offitu og streitu.

 

Víða um land, í öllum landshlutum, er unnið að framleiðlslu á margsháttar jurtavörum, í flestum tilvikum er um handverk í smáum stíl að ræða og lofar margt góðum árangri. Ýmsar náttúrulegar snyrtivörur eru nú unnar þannig hér á landi, margskonar græðandi smyrsl, jurta- og  kjarnaolíur með óendanlegum eiginleikum til heilsubótar og vellíðan, blómadropar, hollar tejurtir og tinktúrur, auk þess að remedíur til smáskammtalækninga hafa nú loks verið heimilaðar hér. Allt þetta á sér m.a. rætur að rekja til aukins áhuga og þekkingu fólks á náttúrulækningum og öðrum heildrænum aðferðum til lækninga. Fólk er farið að skilja að ekki nægir að skoða einstaka líkamshluta í veikindum, heldur þarf að skoða líkamann í heild sinni, umhverfi hans og sálarástand. Virðing fyrir manneskjunni, hlutverk guðdómsins, lífsorkan, flæði og jafnvægi orkunnar, yin og yang  eru þættir sem taka þarf tillit til við heilsu- og hollustubót manns og náttúru.

 

Um þessar mundir hafa Bændasamtök Íslands og verkefni samtakanna og landbúnaðarráðuneytisins, Áform,  hvatt þá sem vinna að gerð smyrsla og annarra íslenskra hollustuvara að hafa samband við verkefnið ef áhugi væri á að koma viðkomandi vöru á markað erlendis. Ljóst er að markaður náttúruvara hefur stóraukist á síðustu árum í heiminum, t.d. var sala í Bandaríkjunum á heilsuvörum unnum úr jurtum (þ.e.”herbal supplements” ekki unnin vítamín né lyf) árið 2000 um 591 miljarður króna

 

Flestar þær jurtir íslenskar, sem rannsóknir beinast nú að er að finna í viðkvæmri náttúru landsins. Eiginleikar jurtanna eru mótaðar af okkar hreina, kalda loftslagi, stuttu vaxtarskeiði og löngum sumarnóttum. Þessi viðkvæmi fjársjóður hefur verið vanmetinn á seinni árum, þó nú séu margir að uppgötva hann á ný. Því ber að fara fram með mikillri varúð við nýtingu þessa þáttar náttúru landsins. Flestur villigróður vex hægt og er lengi að ná fullum þroska, mikilvægt er því að ganga vel um landið sem nytjað er og ganga ekki nærri gróðurfjársjóðnum jafnframt því að hvíla land í nokkur ár milli nytja.

 

Verndum náttúru landsins og dýrmæta fjársjóði hennar, fyrir framtíðina.

 

Höfundur er umhverfisskipulagsfræðingur og hefur starfað að hollustuháttamálum og heilbrigðiseftirliti  hjá Hollustuvernd ríkisins og Heilbrigðiseftirliti Suðurlands til margra ára. Hann hefur stundað nám í grasalækningum (Medical Phytotheraphie) og homopatískum lækningum.